कर्जफेडीने वैतागलेल्या ऍटो चालकांना नुतनीकरणाचा खर्च :खोपोली, कमाई कमी अन खर्च जास्त

 लॉकडाउन नंतर उशीरा ऍटोचालकांना व्यवसायाची परवानगी मिळाली. तोपर्यंत बॅंकांनी माफ केलेले कर्जाचे तीन हफ्ते भरण्याची वेळ आली. कोरोनाच्या भितीमुळे ग्राहक देखील ऍटोमध्ये बसण्यास घाबरत होते. त्यामुळे कमाई देखील मागील दोन महिन्यात कमीच होती. दिवाळीपासून थोडी फार ग्राहकी सुरू झाली. तोपर्यंत बॅंकांनी कर्जाचे पुर्वीचे तीन हफ्ते भरण्यासाठी तगादा सुरू केली. खासगी वित्त संस्थाचे प्रतिनिधी रस्त्यावर ऑटोचालकांना अरेरावी करण्याचे प्रकार घडले. तेव्हा हे प्रकरण चांगलेच चव्हाट्यावर आले. त्यानंतर या वित्तीय संस्थांनी वसुली व वाहन वसुलीच्या नोटीसा पाठवण्यास सुरुवात केली. आधीच थोडी फार कमाई झाल्यानंतर मागील काही महिन्यातील उधारीच्या रकमाची फेड करणे देखील आवश्‍यक झालेले होते. या त्रासातही दिवाळीपासून थोडा फार व्यवसाय सुरू झाला                        .खोपोली : कोरोना संकटात वाढीव हफ्ते व व्याजाचा भुर्दंड बसल्यानंतर ऍटोचालकांना आता नुतनीकरणाच्या खार्चिक अडचणीला सामोरे जाण्याची वेळ आली आहे. त्यात कमाई कमी व देणी जास्त झाली असताना प्रशासनाने गणवेश, नुतनीकरणाची सक्ती चालवल्याने ऍटोचालक अधिकच अडचणीत सापडले आहेत. नुतनीकरणाची वाढवलेली मुदत डिसेंबर मध्ये संपत असल्याने हे नुतनीकरण करणे आवश्‍यक झाले आहे.