महाराष्ट्रातील प्रसिद्ध साजगांव यात्रेवर कोरोनाचे संकट :यात्रा रद्द खोपोली (सचिन यादव):संपूर्ण महाराष्ट्रात प्रसिद्ध
खोपोली (सचिन यादव):संपूर्ण महाराष्ट्रात प्रसिद्ध असलेल्या खोपोली साजगांव मधिल बोंबल्या विठोबा च्या यात्रेवर कोरोनाचे संकट पसरले असून कोरोना आजार पुन्हा मोठया जोमाने डोके वर काढत असल्याने या वर्षीची यात्रा रद्द करण्याचा निर्णय प्रशासन व ग्रामस्थांनी घेतल्याने भाविकांचा हिरमोड झाला आहे.
संपूर्ण महाराष्ट्रात विविध ठिकाणी सध्या विविध देवतांच्या यात्रांचा महोत्सव सुरु होत असून पंढरपूर यात्रे नंतरचा पहिल्या यात्रेचा मान खोपोलीतील साजगांव यात्रेचा असतो. बोंबल्या विठोबाची यात्रा म्हणून ती प्रसिद्ध आहे. धाकटी पंढरी म्हणून ख्याती असलेली ही भूमी जगत गुरु संत तुकाराम महाराजांच्या पदस्पर्शाने पावन झाली आहे. स्वतः तुकाराम महाराज या ठिकाणी व्यापार करण्यासाठी येत असल्याची नोंद आहे.तेव्हा पासून अद्याप पर्यंत अव्याहत पणे सुरु असलेल्या या यात्रेच्या परंपरेवर कोरोनाने खंड पाडला असून या वर्षी पहिल्यांदाच जागतिक महामारी ठरलेल्या कोरोना मुळे ही यात्रा रद्द झाली आहे.
येणाऱ्या एकादशी पासून सुरु होणारी ही यात्रा पंधरा दिवस चालते. करोडो रुपयांची उलाढाल होऊन शेकडो कुटुंबांचा उदर निर्वाह चालतो. विविध उद्योग धंदे लागल्याने एक वेगळीच रेलचेल पहायला मिळते. पण यंदा कोरोनामुळे सर्वांचेच धाबे दणाणले आहेत. फक्त दर्शनाची संधी भाविकांना देण्यात येणार आहे. पण यात्रा रद्द झाल्याने भाविकांचा हिरमोड झाला आहे.
(सदरील छायाचित्रात विठोबा रखुमाई मंदिर दिसत असून समोरील पटांगणावर भव्य दिव्य भरणारी यात्रा यावर्षी रद्द केल्याने मोठया प्रमाणात वाढलेली झाडे, झुडपे, गवत दिसत आहे -सचिन यादव खोपोली )
मोबाईल -7744093474
Comments
Post a Comment