किशोर साळुंखे (खोपोली प्रतिनिधी )
रायगड जिल्ह्यातील गरजू व दुर्बल घटकांसाठी सहज सेवा फाउंडेशनचा उपक्रम...
सहज सेवा फाउंडेशन ही समाजासाठी नेहमीच विविध उपक्रम राबवित असते. समाजातील विविध घटकांसाठी आपले कर्तव्य मानून सेवा करणे हे संस्थेचे उद्दिष्ट आहे.याच सामाजिक भावनेतून दिनांक 21 मार्च 2021 रोजी रायगड जिल्ह्यातील रोहे तालुक्यातील सुतारवाडी येथे गीता फार्म याठिकाणी रायगड जिल्ह्याच्या पालकमंत्री कु. आदिती तटकरे व खासदार श्री. सुनील तटकरे यांच्या हस्ते या उपक्रमाचा शुभारंभ करण्यात आला.
ऋण काढून लग्न करू नका,विवाह हा आयुष्यभर कर्जात जगण्याचा मार्ग बनवू नका असा संदेश देत बऱ्याच कुटुंबातील पुरुष व महिला काबाडकष्ट करून मुलांना शिकवितात,यात बराच पैसे खर्च होतात,मात्र अपत्यांचे विवाह करताना अनेक वेळा कर्ज काढून विवाह केले जातात. आयुष्यभर हलाखीचे जगून पुढील आयुष्य लग्नात काढलेल्या कर्जातच जगावे लागते. म्हणून सहज विवाह संस्था या मान्यताप्राप्त विवाह संस्थेच्या माध्यमातून
सहज सेवा फाउंडेशनच्या पुढाकाराने समाजातील दुर्बल घटकांच्या अपत्यांचे विवाह ( दोन्ही परिवाराच्या संमतीने ) रजिस्टर पद्धतीने निशुल्क करून दिले जाणार आहे.
यावेळी सहजसेवा फाउंडेशनचे अध्यक्ष रायगड भूषण डॉ.शेखर जांभळे,कार्याध्यक्षा माधुरी गुजराथी,उपाध्यक्ष इशीका शेलार,खजिनदार संतोष गायकर, कार्यवाह बी.निरंजन, बंटी कांबळे,सहजसेवा रोहा तालुका प्रमुख सचिन साळुंखे हे उपस्थित होते.
सहजसेवा फाउंडेशन ही सामाजिक उपक्रमासाठी IEA BOOK OF WORLD RECORD,
MAHARASHTRA BOOK OF RECORD व INDIA BOOK OF RECORD मध्ये नोंद असलेली संस्था आहे.
वरील विवाहाच्या अधिक माहितीसाठी संस्थेच्या मुख्य कार्यालय असलेलल्या लोहाना भवन,खोपोली येथे अथवा 8788110739 / 9975492470 या क्रमांकावर संपर्क करण्याचे आवाहन संस्थेच्या सचिव वर्षा मोरे व जनसंपर्क प्रमुख जयश्री कुलकर्णी यांनी केले आहे.
Comments
Post a Comment