खोपोली प्रतिनिधी-- किशोर साळुंके
यंदाच्या पावसाळ्यात सहजसेवेचा आगळा वेगळा उपक्रम.
सहजसेवा फाउंडेशनने यावर्षी सीड बॉलच्या माध्यमातून जंगल भागात वृक्षारोपण करण्याचा अभिनव संकल्प घेतला होता.सहजसेवेच्या माध्यमातून महाराष्ट्रातील विविध जिल्ह्यात 20 जून 2021 या दिवशी जवळपासच्या जंगल भागात सीड बॉलच्या माध्यमातून नकळतपणे झाडे उगविण्यास मदत करणाऱ्या उपक्रमाचे आयोजन करण्यात आले.झाडाझुडपात यावेळी असंख्य सीड बॉल टाकण्यात आले.
याची सुरुवात विस्तीर्ण जंगल भाग असलेल्या बोरघाटात खालापूर तालुका वनविभाग व महामार्ग पोलीस मदत केंद्र, बोरघाट,दस्तुरी यांच्या मदतीने करण्यात आली.यावेळी खालापूर तालुका वनविभागाचे वनक्षेत्रपाल आशिष पाटील, खोपोली वनपाल हिरामण धाकवळ,खोपोली दक्षिणचे वनरक्षक शशिकांत पाटील, आडोशी वनरक्षक शीतल साळुंखे, आत्करगाव वनरक्षक स्वरांजली बांगर, लव्हेज वनरक्षक राजेंद्र बेवनाळे तर महामार्ग पोलीस मदत केंद्र,बोरघाटचे दुय्यम अधिकारी महेश चव्हाण,पो.ह.प्रशांत बोंबे,पो.ना. प्रशांत वर्तक, संतोष बांबळे,रुपेश कोंडे,प्रदीप कोळंबे उपस्थित होते.
यानंतर खोपोली येथील जवळच्या जंगलभागात,याक एज्युकेशन सोसायटीच्या आसपास,बीड जांबरूग येथील जंगलात सीड बॉल टाकण्यात आले.
याखेरीज सातारा,सांगली, कोल्हापूर,नाशिक,पुणे,ठाणे,रत्नागिरी जिल्ह्यातही सहजसेवा फाउंडेशनच्या पदाधिकारी यांनी उत्स्फूर्तपणे या उपक्रमात आपापल्या जिल्ह्यात भाग घेतला.
चला,कळत नकळत वृक्षमित्र बनुया हा उपक्रम यशस्वी करण्यासाठी सहजसेवा फाउंडेशनचे अध्यक्ष डॉ. शेखर जांभळे,कार्याध्यक्षा माधुरी गुजराथी,उपाध्यक्षा इशिका शेलार,सचिव वर्षा मोरे, खजिनदार संतोष गायकर,कार्यवाह बी.निरंजन,खालापूर तालुका प्रमुख तौफिक कर्जीकर,कर्जत खालापूर तालुका संपर्क प्रमुख चंद्रकांत खोपडे,कर्जत खालापूर तालुका महिला संघटक निलम पाटील,मंजुळा पाटील,आयुब खान,अर्जुन कदम,दुर्गेश देवकर,तुषार धुमाळ, नकुल देशमुख,मीनल गायकर,निहारीका जांभळे,आस्था गायकर,सन्मिश गायकर,सुप्रिया नांदे, सुचिता पेणकर यांनी परिश्रम घेतले.
याचसोबत नागपूर येथून शीला भागवत,कोल्हापूर जिल्ह्यातील पद्मिनी माने,नाशिक जिल्ह्यातील योगेश तकते,सातारा जिल्ह्यातील प्रियांका जाधव,सांगली जिल्ह्यातील सुनिता काळे,सुनिता पाटील,धनश्री चौधरी,इंद्रायणी पाटील,रत्नागिरी जिल्ह्यातील रंजीता ओटारी,
पुणे जिल्ह्यातील सुहास पारसनीस, उषा पारसनीस,शशिकांत पायगुडे यांनी या उपक्रमात भाग घेतला.
सहजसेवा फाउंडेशन च्या उपक्रमाचे कौतुक करून हरित क्रांती होत असताना पर्यावरणास पूरक झाडे लावणे गरजेचे असल्याचे प्रतिपादन
खालापूर तालुका वनविभागाचे वनक्षेत्रपाल आशिष पाटील यांनी केले.
Comments
Post a Comment