*अनधिकृत फिटनेस क्लबवर कायदेशीर कारवाई करण्याची मागणी*
रायगड: (प्रतिनिधी ) कर्जत नगरपरिषद हद्दीतील नानामास्तर नगर येथे मुद्रे गावातील नागरिकांना शासनाने निवासी कारणासाठी भूखंडाचे वाटप केले होते. सदर भूखंड हस्तांतरण करण्यास व वाणिज्य व्यवसाय करण्यास तरतूद नसताना एका विकासकाने यावर इमारत विकसित करून त्याठिकाणी सुसज्ज जिम उभारल्याच समोर आलं आहे. तसेच बांधकाम नियमावली नुसार पार्कींग साठी जागा न सोडता त्याठिकाणी ऑफिस सुरू केले असल्याने सामाजिक कार्यकर्ते किरण ठाकरे यांनी या इमारतीवर कायदेशीर कारवाई करण्याची मागणी केली आहे. सदर इमारतीच्या जागेचे बेकायदेशीर हस्तांतरण झाले आहे का? मूळ मालकच याचा वापर करत आहे का? याबाबत तहसीलदार कर्जत यांना विचारणा करून शर्थभंग झाला असल्यास जमीन शासनजमा करावी अशी मागणी ठाकरे यांनी केली आहे. तसेच नगरपरिषद कर्जत यांच्याकडे अनधिकृत बांधकामाबाबत आवश्यक कारवाई करण्याची मागणी करण्यात आली आहे. जमिनीचा शासनाच्या परवानगी शिवाय गैरवापर होत असल्याने शासनाचा गोरगरिबांना घरे देण्याचा उद्देश सफल होणार नाही व शासनाच्या जमिनीचा गैरवापर करून गुन्हेगारी वाढीस लागेल असे मत ठाकरे यांनी व्यक्त केले आहे. या व अशा इतर बांधकामावर महसुल प्रशासन व नगरपरिषद यांनी काहीच कारवाई न केल्यास त्याबाबत सनदशीर मार्ग अवलंब करण्याचा इशारा ठाकरे यांनी दिला आहे. यामुळे आता प्रधासकीय अधिकारी यांच्या भूमिकेकडे कर्जतकर नागरिकांचे लक्ष लागले आहे.
Comments
Post a Comment