आमदार महेंद्र थोरवे यांच्या उपस्थित हरिष काळे यांचा वाढदिवस साजरा

 

खोपोली :-(किशोर साळुंके)-:खोपोली नगरीतील शिवसेना नेते हरिष काळे यांचा वाढदिवस कोरोना काळ असल्याने साध्या पद्धतीने करण्यात आला. या समयी आमदार महेंद्र थोरवे उपस्थित होते.

      सर्व देशाभर कोरोनाचे संकट आहे.अनेक सामाजिक कार्यक्रम रद्द होत आहेत. अशात आपल्या नेत्याचा वाढदिवस असेल तर कार्यकर्ते उत्साहात असतात. नेत्यांना भेटायला तुडुंब गर्दी होते. असेच एक नेते, खोपोली नगरीतील शिवसेना पक्षाचे तरुण तडफदार नेते हरिष काळे यांचा वाढदिवस आला. त्याच्यावर प्रेम करणाऱ्या कार्यकर्ते तसेच मित्र परिवाराची गर्दी होणार हे निसश्चित होते. पण त्यांनीच सर्वांना नम्रपणे वाढदिवसाच्या दिवशी आशीर्वाद पर संदेश पाठवून गर्दी न करण्याचे आवाहन केले. प्रेम करणाऱ्यांचा हिरमोड झाला पण सर्वांनी प्रेमरूपी संदेश देऊन वाढदिवसाच्या शुभेच्छा दिल्या.

       खालापूर चे आमदार महेंद्र थोरवे व तालुक्यातील दिग्गज शिवसेना नेते यांनी एकत्र येत सर्व नियम पाळत वाढदिवसाचा कार्यक्रम संपन्न केला.