*डिकसळ येथे आमदार महेंद्र थोरवे यांच्या हस्ते वृक्षारोपण*
*कर्जत :प्रतिनिधी*
जेष्ठ निरुपणकार डॉ.नानासाहेब धर्माधिकारी यांच्या पुण्यस्मरण दिनानिमित्त डाॅ.नानासाहेब धर्माधिकारी प्रतिष्ठानच्या वतीने वृक्ष लागवड व संवर्धन अभियान राबविण्यात आले.सदर कार्यक्रम तातोबा मंदिर टेकडी, डिकसळ येथे आयोजित करण्यात आला होता यावेळी कर्जत खालापूर मतदार संघाचे कार्यसम्राट आमदार महेंद्रशेठ थोरवे यांच्या शुभहस्ते वृक्षारोपण करण्यात आले.
बैठकीचे जनक व पुज्यनिय दासबोध ग्रंथातून निरूपण करून डाॅ नानासाहेब धर्माधिकारी यांनी अध्यात्माचे धडे देताना शेकडो खेडी, आदिवासी पाड्यांची भ्रमंती करून लोकांना व्यसनमुक्तीचे महत्त्व पटवून दिले होते. अंधश्रद्धा, रूढी, परंपरा, अज्ञान, स्त्रियांवरील अत्याचार, जातीभेद अशा कुप्रवृत्तींवर जोरदार प्रहार करत नानांनी सद्गुणांची पेरणी केली.
त्यामुळे लाखो लोक व्यसनमुक्त होऊन परमार्थाकडे वळले. तीर्थरूप नानासाहेब धर्माधिकारी यांनी आधुनिक संदर्भात दासबोधाच्या कमालीच्या सोप्या निरूपणातून विकारी मनांची मशागत करताना निर्व्यसनी समर्थ समाजाचे स्वप्न सत्यात उतरविण्यासाठी संपूर्ण आयुष्य वेचले. काम, क्रोध,लोभ आणि मोक्ष ह्या सर्वांगीण पुरुषार्थाची ओळख त्यांनी स्वतःची ओळख विसरलेल्या समाजाला करून दिली. समाजाच्या उन्नतीसाठी आयुष्य अर्पण केले.
अशा जेष्ठ निरुपणकार नानासाहेब धर्माधिकारी यांना स्मृतिदिनी अभिवादन करताना आमदार महेंद्र थोरवे , यांनी कार्यक्रमाच्या निमित्ताने आदरणीय नानासाहेबांचे कार्य संपुर्ण महाराष्ट्रात नव्हे,जगांनी पाहिले आहे तिर्थरुप आप्पा साहेब व सचिनदादा धर्माधिकारी यांच्या मार्गदर्शनाखाली आजही बैठकीच्या माध्यमातून पुढे नेत आहे त्याचा वारसा दीपस्तंभासारखा दिशा देण्याचे काम करीत असून त्यांच्या अथांग कर्तुत्वाला सलाम म्हणून कर्जत नगरीत प्रवेश करताना प्रवेशद्वारावर डाॅ.नानासाहेब धर्माधिकारी यांच्या नावाची कमान उभी करून तिचे भूमिपूजन दोन ते तीन दिवसांत करण्यात येणार असल्याचे त्यांनी सांगितले या समाजकार्याचा वसा व प्रबोधनाचे उल्लेखनीय ऐतिहासिक कार्य करणारे नेतृत्व आहे.आजही प्रतिष्ठानच्या वतीने सामाजिक उपक्रम राबविले जातात आजही लाखों श्रीसदस्य निष्ठेने व प्रामाणिकपणे काम करीत आहे समाजासाठी उल्लेखनीय कार्य असून समाज घडविण्याचे व युवा पिढीला दिशा देण्याचे ईश्वरीय काम बैठकीच्या माध्यमातून सुरू आहे असेही आ.थोरवे यांनी सांगितले
तीर्थरूप नानासाहेबांच्या अथांग कर्तृत्वाला आणि नेहमीच समाजकार्याचे भान राखणाऱ्या अखंड श्री सदस्य परिवाराला नमन करून जय जय रघुवीर समर्थ ! म्हणत तिर्थस्वरूप निरुपणकार डॉ.नानासाहेब धर्माधिकारी यांना त्यांच्या पुण्यस्मरणार्थ अभिवादन केले.यावेळी आमदार महेंद्र थोरवे यांच्या समवेत कर्जत पंचायत समितीचे माजी उपसभापती मनोहर थोरवे, उप सरपंच भारती पाटील, सदस्य प्रसाद भासे, मंगेश ठोंबरे,कर्जत नगर परिषदेचे नगरसेवक संकेत भासे, पत्रकार जयेश जाधव आणि मोठ्या प्रमाणात श्री सदस्य उपस्थित होते.या कार्यक्रमाचे सूत्रसंचालन विकास चित्ते यांनी केले.सदर वृक्षारोपण कार्यक्रमात श्री सदस्यांनी तातोबा मंदिर टेकडी, डिकसळ येथे १५० झाडांची लागवड करण्यात आली आहे.
Comments
Post a Comment