आम्ही खोपोलीकर यांच्या वतीने वाढीव घरपट्टी मागे घेण्याबाबत निवेदन सादर
खोपोली :( किशोर साळुंके ) : खोपोली नगर पालिकेने खोपोली शहरातील अनेक भाडोत्री घर मालकांना वाढीव घरपट्टी लावली असल्याने हा अन्याय कारक निर्णय मागे घेण्यासाठी आम्ही खोपोलीकर या सामाजिक संस्थेच्या वतीने मुख्याधिकारी यांना निवेदन सादर करण्यात आले.
सध्या कोरोना काळ आहे. मागील दोन वर्षात अनेक नागरिकांना घरी बसावे लागले. अनेकांच्या नोकऱ्या गेल्या. अनेक जण मृत्यूमुखी पडलेत. आर्थिक बाब बंद आहे. अशात खोपोली नगरपालिका यांच्या वतीने भाडोत्री तत्वावर घर /गाळा /फ्लॅट भाड्याने देणाऱ्या घर मालकांना वाढीव घरपट्टी आकारली आहे.यामुळे संपूर्ण खोपोली नगरीत असंतोष पसरला आहे. हा अन्याय कारक निर्णय मागे घेण्यासाठी आम्ही खोपोलीकर या सामाजिक संस्थेच्या वतीने खोपोली नगर परिषदेचे मुख्याधिकारी गणेश शेट्ये यांना निवेदन सादर करून चर्चा करण्यात आली. मुख्याधिकाऱ्यांनी चर्चे दरम्यान सर्व सदस्यांना दिलासादायक उत्तरे दिली.
सदर समयी मुख्याधिकारी यांच्या समवेत नगरसेवक मोहन औसरमल, नगरसेवक किशोर पानसरे, सामाजिक कार्यकर्ते तात्या रिठे व आम्ही खोपोलीकर सामाजिक संस्थेचे पदाधिकारी व नागरिक उपस्थित होते.
Comments
Post a Comment