खाकी वर्दीतील कर्तव्यनिष्ठ, कठोर आणि करारी वाटणारा प्रत्येकजण अंतर्मनातून भावुक असतो हे खोपोली पोलीस ठाण्याचे निरीक्षक धनाजी क्षीरसागर आणि इतर 18 कर्मचाऱ्यांच्या निरोप समारंभच्या वेळी दिसून आले.
ओठात अडलेले शब्द, पाणावलेले डोळे आणि आठवणींची शिदोरी घेवून बदलीच्या ठिकाणी जाताना जड होणारी पावले असेच काहीसे चित्र खोपोली शहरातील कँपोलिन हॉटेल मध्ये आयोजित केलेल्या छोटेखानी निरोप समारंभ कार्यक्रमात होते.
अवघ्या दोन वर्षाच्या कार्यकाळात क्षीरसागर यांनी दाखवलेले कर्तुत्व, कर्मचाऱ्यांना केलेले मार्गदर्शन, कर्तव्यदक्षतेचे दिलेले धडे, बॅडमिंटन हॉलच्या निर्माणातून सर्वांच्या फिटनेसकडे दिलेले लक्ष आणि त्याच सोबत कर्मचारी वर्गाप्रती दाखवलेला विश्वास सर्वांच्या मनोगतातून दिसुन येत होता. खालापूर तालुक्याचे उपविभागीय अधिकारी संजय शुक्ला यांच्या हस्ते सर्वांना भेटवस्तू आणि पुष्पगुच्छ देऊन निरोप देण्यात आला.
खोपोली पोलीस ठाण्याच्या दैनंदिन घडामोडींसोबत इतर माध्यमातून जपलेली सामाजिक बांधिलकी यावेळी भूषण पाटिल, गुरूनाथ साठेलकर आणि खोपोलीचे माजी उपनगराध्यक्ष राजू गायकवाड यांच्या मनोगतातून व्यक्त झाली. खोपोलीकरानी आणि कर्मचारी यांनी आपल्याला केलेले सहकार्य, दाखवलेला विश्वासच कर्तव्यापलीकडे जावून काम करण्यास प्रेरक ठरल्याचा आशय बदली झालेल्या पोलीस निरीक्षक धनाजी क्षीरसागर यांनी आपल्या भावपूर्ण भाषणात बोलून दाखवला.
खोपोली पोलीस ठाण्यात काम करतांना गाठीशी जमवलेला अनुभव, सर्व हितचिंतकांच्या शुभेच्छा आपल्याला खुप पोषक ठरणार असल्याची खात्री सर्वजण देत होते. निरोप समारंभ त्याच सोबत सहभोजन अश्या आयोजनाची संकल्पना पोलीस उप निरीक्षक सतीश आस्वर यांची होती तर सूत्र संचालनातून जगदीश मारागजे यांनी कार्यक्रमाच्या आशयातील भावुकता वाढवली होती.
खोपोलीमध्ये डाँ.आंबेडकर संस्कार केंद्राच्या जागेत अतिक्रमण .. आर.पी.आय .पक्षाकडून कारवाई करण्याची मागणी .. त्वरित कारवाई न झाल्यास तिव्र आंदोलनाचा दिला इशारा .
. खोपोली -(किशोर साळुंके ) खोपोली शहरातील यशवंतनगर येथे भारतरत्न डाँ.बाबासाहेब आंबेडकर संस्कार केंद्राच्या जागे समोर एका कुटुंबाने जाणिवपूर्वक अनाधिकृतपणे बांधकाम करण्याचा घाट घातल्याने सदर बांधकाम करणार्यांवर कारवाई करण्याची मागणी रिपब्लीकन पार्टी आँफ इंडिया पक्षाच्या वतीने खोपोली पोलीस ठाण्यात दि.११ /०३/ २०२२ रोजी करण्यात आली आहे.खोपोली नगरपरिषद हद्दितील यशवंतनगर शिळफाटा येथे राजगीरी बुद्ध विहाराची इमारत होती त्या जागेत खोपोली नगरपरिषदेच्या वतीने भारतरत्न डाँ.बाबासाहेब आंबेडकर संस्कार केंद्रासाठी जिल्हा नियोजन आधिकारी अलिबाग यांच्याकडून निधी व तांत्रिक मंजूरी मिळवून रीतसर काम सुरु झाले आहे.साधारण पन्नास लक्ष रुपये रुपये किमतीचे हे बांधकाम असून खोपोली नगरपरिषदेकडून काम सुरु आहे.परंतू सदर ठिकाणी राहणारे गोसावी परिवाराकडून सदर जागेत अनधिकृत बांधकाम करण्याच्या उद्धेशाने त्यांनी सदर जागेसमोरील स्वताच्या घराची भिंत तोडून तेथे दरवाजा काढून बेकायदेशीपणे वाढीव बांधकाम करण्याचा प्रयत्न त्यांनी जाणीवपूर्वक संस्कार केंद्रा लगतच्या जागेसमोरील वहिवाटीचा रस्ता नसतानाही स्वताच्या घराची भिंत त
Comments
Post a Comment