७५ व्या स्वातंत्र्यदिनाचे औचित्य साधून पळसदरी नगरीत वाचनालयाचे उद्धघाटन ...

कर्जत (प्रतिनिधी ):-

संपूर्ण भारतात जल्लोषात ७५ वा स्वतंत्र्य दिन साजरा होत असताना कर्जत तालुक्यातील पळसदरी या गावामधे स्वतंत्र दिनाचे औचित्य साधून ध्वजारोहना सोबतच विविध मान्यवरांच्या प्रमुख उपस्थितीत वाचनालयाचे उद्धघाटन करण्यात आले,सद्यास्थितीत तरुण पिढी मोबाईल व टीव्हीच्या आहारी जावून तरुण वर्ग वाचन संकृती पासून दूर जात असल्याने पळसदरी गावातील जागृत तरुणांनी पूढाकार घेत आपल्या गावातील सुशिक्षित युवा पिढींमधे वाचनाची आवड निर्माण व्हावी या प्रामाणिक उद्देशाने गावातील जेष्ठ मंडळींंच्या मदतीने वाचनालयाचे उद्धघाटन करण्यात आले.सुरु करण्यात आलेले वाचनालय हे मोफत असून या ठिकाणी विविध भाषेतील पुस्तके वाचनासाठी उपलब्ध असतील.तसेच पळसदरी गावात वृत्तपत्र येत नसल्याने नव्याने सूरु करण्यात आलेल्या वाचनालयात वृत्तपत्र वाचता यावे यासाठी सहा प्रकारची वृत्तपत्र सुद्धा उपलब्ध करुन दिली जाणार आहेत .वाचनालय सूरु करण्यासाठी गावातील जेष्ठ मंडळींंच्या मदतीने गावातील तरुणांनी पुढाकार घेवून स्वातंत्र्य दिनाच्या शुभ दिनी गावातील जेष्ठ मंडळी व विविध क्षेत्रातील मान्यवरांच्या प्रमुख उपस्थितीत वाचनालयाचे उद्धघाटन करण्यात आले.गावातील तरुण वर्गांना वाचनासाठी लागणारी पुस्तके आम्ही उपलब्ध करुन देवू अशी ग्वाही यावेळी ग्रामस्थांनी दिली...