रक्षाबंधनच्या दिवशी झाडांना बांधु या राखी... सहजसेवा फाउंडेशन राबविणार महाराष्ट्रभर उपक्रम...

किशोर साळुंके खोपोली :- कोरोनामुळे सर्व जगाला झाडापासून मिळणाऱ्या ऑक्सीजनचे महत्त्व लक्षात आले.वृक्ष हे आपले कुटुंबातील जणू एक घटक आहे.वृक्षांचे महत्त्व जाणून घेऊन त्यांच्यासोबत नात्यांची वीण घट्ट करताना ,त्यांचा आदर करून त्यांची गरज ओळखून त्यांच्यासोबत नवे नाते जोडताना वृक्षतोड कशी थांबेल व वृक्षवाढ कशी झपाट्याने होईल,याचा प्रसार करण्यासाठी सहजसेवा फाउंडेशन महाराष्ट्रातील विविध शाखांच्या माध्यमातून किंवन 10000 वृक्षांना रविवार 22 ऑगस्ट रोजी अर्थातच रक्षाबंधन च्या दिवशी झाडांना राखी बांधून वृक्षावर असणाऱ्या प्रेमाचे नाते दृढ करण्याचा संकल्प करणार आहेत. या निसर्ग चळवळीत आवड असेल त्यांनी नक्कीच सामील व्हा, असे आवाहन सहजसेवा फाउंडेशनच्या वतीने अध्यक्ष डॉ.शेखर जांभळे,कार्याध्यक्षा श्रीमती माधुरी गुजराथी,उपाध्यक्षा सौ. इशिका शेलार, सचिव सौ. वर्षा मोरे, खजिनदार संतोष गायकर,कार्यवाह बी. निरंजन व जनसंपर्क प्रमुख सौ. जयश्री कुलकर्णी यांनी केले आहे.