सुवर्णा मोरें व संतोष मोरे यांच्या प्रयत्नातून अखेर तो धोकादायक टाँवर हटविला.. मोरे यांचे येथील नागरिकांनी मानले आभार..

खोपोली -- खोपोली शहरातील सिद्धार्थनगर येथील मध्यवर्ती ठिकाणी महाराष्ट्र राज्य इलेक्ट्रिक बोर्डचा चाळीस /पंन्नास वर्षांपूर्वीपासूनचा उच्च विद्युत दाबाचा टाँवर जीर्ण झाला होता. भविष्यात कोसळून या ठीकाणी मोठ्या प्रमाणात जिवीत व वित्त हानी होवू शकत होती.याबाबत राष्ट्रवादी काँग्रेस पक्षाच्या खोपोली शहर महीला अध्यक्षा सौ सुवर्णा संतोष मोरे व शहरातील सामाजिक कार्यकर्ते संतोष उर्फ बंटी मोरे यांनी संबधित खात्याकडे लेखी तक्रार करुन अनेक महीन्यांनपासून पाठपूरावा केल्यामुळे सदर खात्याच्या विभागाने दखल घेत तो धोकादायक टाँवर अखेर हटविला. सिद्धार्थनगरमधे नागरीवस्तीच्या अगदी मधोमध उच्च विद्युत वाहक टाँवर गेले चाळीस ते पंन्नास वर्षांपासून उभा होता.तो जीर्ण झाल्याने कधीही कोसळू शकत होता .सदर टाँवर बरोबर एकाच रेषेत असणार्या टाँवर पैकी विहारी बुद्ध विहारा समोरील पटांगणात असणारा टाँवर मगील चक्रीवादळात कोसळला होता.त्यामुळे सिद्धार्थनगर मधील टाँवर कधीही कोसळू शकतो अशी भिती सिद्धार्थनगर येथील रहीवासीयांन मध्ये निर्माण होवून या ठिकाणी भितीचे वातावरण निर्माण झाल्याने टाँवर शेजारील अनेक नागरिकांनी आपली घरे खाली केली. ही गंभीर बाब राष्ट्रवादी काँग्रेस पक्षाच्या खोपोली शहर महिला अध्यक्षा सुवर्णा मोरे व शहरातील सामाजिक कार्यकर्ते संतोष मोरे यांनी संबधित खात्याकडे सतत पाठपूरावा केल्याने त्यांनी तात्काळ दखल घेत संबधित खात्याच्या कर्मचार्यांंनी सलग तीन दिवस अथक मेहनत घेवून सदर टाँवर हटविला .यामुळे सिद्धार्थनगर मधील नागरीक आता सुरक्षित राहिल्याने सर्व ठिकाणी मोरे यांचे कौतून होताना दिसत आहे.