सिटी बस सेवा तात्काळ सुरु करा - आरपीआय

खोपोली -(किशोर साळुंके ) : खोपोली परिसरामध्ये नगर परिषदेच्या वतीने सर्वसामान्य नागरिकांच्या दळणवळणासाठी सिटी बसचे नियोजन करण्यात आलेले आहे.परंतु कोरोना च्या पार्श्वभूमीवरती खबरदारी म्हणून सिटी बस बंद करण्यात आली होती, कोरोना आटोक्यात आल्यानंतर देखील आज पर्यंत खोपोली सिटी बस अद्याप चालू करण्यात आलेले नाही. ती सुरु करण्याची मागणीआर पी आय ने खोनपा कडे केली आहे. दुसरीकडे संपूर्ण महाराष्ट्र मध्ये रेल्वे,विमान,बस सेवा सुरू झालेले आहे तरी सर्वसामान्य नागरिकांच्या मागणी वरून खोपोली शहर सिटी बस 15 दिवसाच्या आत चालू करण्यासंदर्भात निर्णय घेण्यात यावा अन्यथा रिपब्लिकन पार्टी ऑफ इंडिया मातंग आघाडी व शिवशाही व्यापारी संघ, तथ्य योद्धा, सामाजिक संघटना, आजी-माजी नगरसेवक, आजी-माजी समाजसेवक पदाधिकारी तसेच सर्वसामान्य नागरिकांना सोबत घेऊन खोपोली नगर परिषदेवर जन आंदोलन उभारण्यात येईल,असा इशारा रिपब्लिकन पार्टी ऑफ इंडिया आठवले गट कोकण प्रदेशाध्यक्ष मातंग आघाडी तुषार कांबळे यांनी खोपोली नगर परिषदेला निवेदनाद्वारे दिला आहे.