तुपगावच्या रेशन दुकानात होणारा भ्रष्टाचाराची सखोल चौकशी करा -सुशील भाई जाधव

खोपोली -(किशोर साळुंके)- खालापूर तहसील कार्यालया अंतर्गत येणाऱ्या तुपागाव येथिल रेशन दुकानात मोठा भ्रष्टाचार होत असून पुरवठा अधिकारी व तहसीलदार यांनी त्याची सखोल चौकशी करून संबंधित दुकानदारावर कारवाई करण्याची लेखी मागणी बहुजन युथ पँथर चे रायगड जिल्हा अध्यक्ष सुशील भाई जाधव यांनी केली आहे. खालापूरातील तुपागाव येथे सुरेख जितेंद्र पांडे यांचे सरकार मान्य रास्त भाव धान्य दुकानात आहे. अनेक वर्षांपासून या दुकानदाराकडून धाण्याचा काळाबाजार होत असल्याचा आरोप स्थानिक करीत असून त्या बाबतची लेखी तक्रार जिल्हा पुरवठा अधिकार, खालापूर पुरवठा अधिकारी, नायब तहसीलदार, तहसीलदार यांच्याकडे बहुजन युथ पँथर चे जिल्हा अध्यक्ष सुशील भाई जाधव यांनी केली असून लवकरात लवकर कारवाई झाली नाही तर जण आंदोलन छेडण्याचा इशारा त्यांनी दिला आहे.