खोपोली पोलीस ठाण्यात बॅडमिंटन हॉल चे उदघाटन संपन्न

खोपोली :(किशोर साळुंके) : खोपोली पोलीस ठाणे अंतर्गत उभारण्यात आलेल्या शाहिद श्री. अशोक कामटे बॅडमिंटन हॉल चे उदघाटन रायगड जिल्हा पोलीस अधीक्षक अशोक दुधे यांच्या हस्ते करण्यात आले. पोलीस कर्मचारी सतत कामात गर्क असल्याने त्यांचे आपल्या आरोग्याकडे लक्ष राहत नाही, ही बाब लक्षात घेऊन खोपोली पोलीस ठाण्याच्या आवारात बॅडमिंटन हॉल उभारण्यात आले व त्यास शहीद श्री अशोक कामटे बॅडमिंटन हॉल नाव देऊन त्यांच्या बलिदानास सन्मानित करण्यात आले. आज रायगड जिल्हा पोलीस अधीक्षक अशोक दुधे यांच्या हस्ते व अप्पर पोलीस अधीक्षक अतुल झेंडे , डीवायएसपी खालापूर शुक्ला यांच्या प्रमुख उपस्थितीमध्ये उदघाटन व लोकार्पण सोहळा संपन्न झाला. यासमयी पोलिसांच्या नेत्र तपासणी शिबिराचेही आयोजन केले होते. खोपोली पोलीस ठाण्याचे पोलीस निरीक्षक शिरीष पवार यांनी सर्वांचे स्वागत करून आभार मानले.