वनपाल संवर्गातील कर्मचा-यांना आश्वासित प्रगती योजनेचा लाभ देण्यासंदर्भात मा.आ.श्री.विजयराव गव्हाणे.

परभणी, मराठवाडा : - यांच्या नेतृत्वाखाली वन राज्यमंत्री मा.ना. दत्तात्रेय भरणे यांच्याकडे बैठक लावण्या संधर्भात दि.२२/०६/२०२१ रोजी पत्र देण्यात आले होते.त्यानुसार वन राज्यमंत्री मा.ना. दत्तात्रेय भरणे यांच्या अध्यक्षतेखाली दि.6/10/2021 रोजी बैठकीचे आयोजन करण्यात आले होते. वनपाल संवर्गातील ज्या कर्मचाऱ्यांना आश्वासित प्रगती योजनेचा लाभ दिला होता, मात्र जे कर्मचारी वित्त विभागाच्या दि.१ एप्रिल २०१० रोजीच्या शासन निर्णयानुसार अटी व शर्तींची पूर्तता करीत नव्हते. त्यांच्याकडून अतिप्रदान रकमेची वसुली करण्यात आली होती. तसेच मा. आ. गव्हाणे साहेब यांनी १०/२०/३० वर्षाचा तिसरा लाभ लागू करताना शिक्षणाची अट लागू पडत नाही व ज्या कर्मचाऱ्यांच्या अतीप्रधान रकमा चुकीच्या पद्धतीने वसूल केल्याचे निदर्शनास आणून दिले. या बैठकीस मा.ना.अदिती तटकरे(रायगड,पालकमंत्री)आ. श्री. भरतशेठ गोगावले,माजी आ श्री. विजय गव्हाणे,नागपूरचे अप्पर प्रधान मुख्य वनसंरक्षक श्री गुप्ता साहेब, ठाण्याचे मुख्य वनसंरक्षक श्री. एस.व्ही रामाराव, वन विभागाचे उपसचिव श्री. सुनिल पांढरे,श्री आशिष परकर, वनक्षेत्रपाल श्री.एस.जी.धनावडे, बी.डी.हारपुडे,एस.बी.पाटील,एस.जी.खारकर,एस. यू.माने,एस.जी.म्हात्रे,तोरणे,दाभणे, राठोड उपस्थित होते. वने राज्यमंत्री श्री.भरणे म्हणाले, १९७६ साली वनपाल म्हणून रूजू झालेल्या कर्मचाऱ्यांना न्याय देणे गरजेचे आहे. त्यांना शासकीय नियमानुसार आश्वासित प्रगती योजनेचा लाभ मिळावयास हवा. अनेक वर्षे सेवा दिल्यानंतर त्यांच्यावर अन्याय होऊ नये आणि मा.उच्च न्यायालयाने दिलेल्या निर्देशानुसार संबंधित कर्मचाऱ्यांकडून दिलेल्या रकमेची वसुली करण्यात येऊ नये. तसेच पूर्वी या योजनेअंतर्गत दिलेल्या अतिप्रदान रकमेची जी वसुली केली होती. त्याचा परतावा करण्यात यावा असे निर्देशही राज्यमंत्री श्री. भरणे यांनी संबंधित अधिकाऱ्यांना दिले.