सहजसेवा फाउंडेशनच्या वतीने डॉ. बाबासाहेब आंबेडकर रुग्णालय येथे पुस्तक लायब्ररीचा शुभारंभ,सहजसेवा फाउंडेशनचा सातत्यपूर्ण नवीन उपक्रम...

खोपोली- ( किशोर साळुंके ) सहजसेवा फाउंडेशन ही सातत्यपूर्ण उपक्रम समाजासाठी राबवित असते. समाजातील विविध घटकांसाठी नाविन्यपूर्ण उपक्रमातुन समाजाची सेवा करणे हा संस्थेचा प्रमुख हेतू आहे. खालापूर कारागृह ( जेल ) येथील वाचनालय व लायब्ररी यानंतर सामाजिक जाणिवेतून डॉ. बाबासाहेब आंबेडकर रुग्णालय,खोपोली येथे विविध वेळा विविध कारणाने दवाखान्यात जाणे येणे होते.प्रसंगी कित्येक वेळ वाट पाहत थांबावे लागते.याचसोबत ऍडमिट असलेले रुग्ण व त्यांचे नातेवाईक व कर्तव्यवरील स्टाफ वेळ घालविण्यासाठी पुस्तके वाचण्यासाठी असतील तर ज्ञानात भर पडून वेळेचा सदुपयोग होऊ शकतो.या भावनेतून दवाखान्यात लायब्ररी चा शुभारंभ गुरुवार दिनांक 11 नोव्हेंबर 2021रोजी डॉ.बाबासाहेब आंबेडकर रुग्णालय,खोपोली येथे दौंड येथील व्यावसायिक व सहजसेवा फाउंडेशनचे मार्गदर्शक अनिल देशमुख यांच्या हस्ते रिबीन कापून शुभारंभ करण्यात आला. तत्पूर्वी खोपोली पोलीस स्टेशनचे पोलीस निरीक्षक शिरीष पवार यांच्या हस्ते पुस्तकांचे पूजन करण्यात आले तर खोपोलीच्या नगराध्यक्षा सुमन औसरमल,गटनेते सुनील पाटील,नगरसेवक अमोल जाधव, दौंड येथील पोलीस पाटील मोतीलाल पाटील,मोहन केदार यांच्या हस्ते श्रीफळ वाढवण्यात आले. यावेळी पुणे येथील सामाजिक कार्यकर्त्या ज्योती वऱ्हाडी,खोपोली नगरपरिषदेच्या मुख्य वैद्यकीय अधिकारी संगीता वानखेडे व स्टाफ, संदेश चौधरी,अनिल सानप व संभाजी पाटील उपस्थित होते.कार्यक्रमाचे सूत्रसंचालन राजेंद्र फक्के यांनी केले. सदर उपक्रमाच्या यशस्वीतेसाठी सहजसेवा फाउंडेशनचे अध्यक्ष डॉ.शेखर जांभळे,कार्याध्यक्षा माधुरी गुजराथी,उपाध्यक्षा इशिका शेलार, सचिव वर्षा मोरे, खजिनदार संतोष गायकर,जनसंपर्क प्रमुख जयश्री कुळकर्णी,कार्यवाह बी.निरंजन,उपक्रम प्रमुख प्रथमेश पाटील,सुरज पाटील,बंटी कांबळे, आफताब सय्यद,योगिता जांभळे,अखिलेश पाटील,प्रसन्न भंडारी,आयुब खान,आसमा पटेल, आसिफ खान, सुरेश खोपडे,जयश्री भागेलकर,निलम पाटील,वनिता शहा,मनोज जांगिड यांनी अथक मेहनत घेतली. तर विविध सामाजिक उपक्रमासाठी वर्ल्ड रेकॉर्ड मध्ये सामाजिक उपक्रमासाठी नोंद असलेल्या या संस्थेच्या माध्यमातून नेहमीच समाजपयोगी कार्य होत असते.रुग्णालयात येणारे विविध लोकांना नक्कीच लायब्ररीच्या माध्यमातून मौलिक मदत होईल, असा आशावाद खोपोली पोलीस स्टेशनचे पोलीस निरीक्षक शिरीष पवार यांनी व्यक्त केला. ज्ञानार्जन होणाऱ्या या उपक्रमातून खालापूर तालुक्यात वाचक व शिक्षण चळवळ जोमात सुरू करणार असून सर्वांच्या आयुष्यात अनन्य साधारण महत्त्व असणाऱ्या पुस्तकाच्या लायब्ररीचे उपक्रम मनाला आनंद देणारा आहे असे प्रतिपादन उपक्रम प्रमुख प्रथमेश पाटील यांनी केले.