वनिता काळे यांच्या प्रयत्नाने शिळफाटा येथे स्पीड ब्रेकर ची निर्मिती

खोपोली (प्रतिनिधी )- खोपोली शिळफाटा येथे राष्ट्रीय महामार्ग क्रमांक ४वर स्पीड ब्रेकर बसविण्याची महत्वाची मागणी खोपोली नगर पालिकेच्या नगरसेविका वनिता काळे, नगरसेवक सुनिल पाटिल व उद्योजक हरीश काळे यांनी करताच सदर महामार्गचे प्रकल्प अधिकारी यांनी त्वरित ग्रीन पार्क व सेलिब्रेशन हॉटेल समोर स्पीड ब्रेकर ची निर्मिती केली. शिळफाटा खोपोली येथे शाळा असल्याने विद्यार्थी व पालक यांची मोठी वरदळ असते. तसेच व्यापारी, दुकाने येथे ग्राहकांची रेलचेल असते. त्यात महामार्ग अरुंद आहे. वाहने भरधाव पळत असतात. अपघात घडण्याची शक्यता असल्याचे लक्षात येताच नगरसेविका वनिता काळे, नगरसेवक सुनील पाटील, उद्योजक हरीश काळे यांनी प्रकल्प अधिकाऱ्यांकडे स्पीड ब्रेकर निर्माण करण्याची मागणी करताच त्यांनी त्वरित ती मागणी मान्य करत त्वरित ब्रेकर निर्माण केले. स्थानिक नागरिकांनी लोकसेवकांचे आभार मानले.