सम्यक क्रांती विचार मंचच्या वतीने वारकरी परिषद संपन्न

सुधागड -(प्रतिनिधी)- संत गाडगेबाबा यांच्या पुण्यतिथी निमित्त सुधागड तालुक्यातील वारकरी संप्रदाय एकत्र आणुन वारकरी परिषदेचे आयोजन सम्यक क्रांती विचार मंचच्या वतीने करण्यात आले. सम्यक क्रांती विचार मंच चे संस्थापक अध्यक्ष मंगेश वाघमारे यांनी रायगड जिल्ह्यात विविध उपक्रम राबवितानाच महापुरुषांच्या सन्मानाबाबत विविध उपक्रम, जयंती, मयंती, सामाजिक क्षेत्रातील मान्यवरांचा सत्कार, तळागाळातील नागरिकांपर्यंत शासकीय /राजकीय /सामाजिक मदत मिळवून देण्यात अग्रेसर असतात.असेच उपक्रम राबवीत असताना संत गाडगेबाबा यांच्या ६५ व्या पुण्यतिथी निमित्त मंगेश वाघमारे यांनी वारकरी संप्रदायास एकत्र आणत वारकरी परिषदेचे आयोजन केले. सदर कार्यक्रमाची दखल संपूर्ण वारकरी संप्रदायानी घेऊन संपूर्ण महाराष्ट्रात कौतुक होत आहे