मा. आमदार सुरेश लाड यांचे आंदोलन तूर्तास स्थगित

खोपोली -(रोहिदास वाणी )-खालापूर तालुक्यातील ३५०एकर जमीन शेतकऱ्यांकडून एका खाजकी कंपनीने विकत घेऊन लोकप्रतिनिधिच्या नातेवाईकांना विकत असल्याचा प्रकार समोर आल्याने व शेतकऱ्यांना अजुन पुर्ण रक्कम मिळत नसल्याने त्यांना न्याय मिळावा या उद्देश्याने माजी आमदार सुरेश लाड यांनी आज खालापूर तहसील कार्यालयासमोर आत्मदहन करणार होते. पण तांत्रिक बाबी मुळे त्यांचे आंदोलन स्थगित करून पुढे ढकलण्यात आले. खालापूर तालुक्यातील नंदनपाडा, गोहे, गोठीवली या ठिकाणी औद्योगिक कारणा करिता न्यूमिलेनियम कंपनीने शेतकऱ्यांकडून साधारण ३५० एकर जमीन विकत घेतली. ती जमीन आता सदर कंपनी काही लोकप्रतिनिधी यांच्या नातेवाईकांना विकण्याचा आरोप होत आहे.तसेच या शेतकऱ्यांना जमिनीचा पुर्ण मोबदला मिळाला नसल्याचे समोर आले. यानंतर मा. आमदार सुरेश लाड यांनी खालापूर तहसीलदार यांना पत्र देऊन कारवाई करण्याची मागणी केली. कारवाई करण्याचे आश्वासन दिले पण कारवाई न झाल्याने आज २३/१२/२१रोजी लाड यांनी खालापूर तहसील कार्यालयासमोर आत्मदहन करण्याचा इशारा देऊन आत्मदहन करण्यास आले होते. परंतु प्रशासनाच्या विनंतीवरून व तांत्रिक अडचणीमुळे सदर आंदोलन थांबाविले असून न्याय न मिळाल्यास सदर आंदोलन पुन्हा करण्यात येईल असा इशारा सुरेश लाड यांनी दिला आहे. सदर आंदोलनात हनुमंत पिंगळे,अंकित साखरे, सुवर्णा संतोष मोरे,शरद लाड, विजय पाटिल, शेखर पिंगळे तसेच तालुक्यातील राष्ट्रवादी काँग्रेस पक्षाचे पदाधिकारी व कार्यकर्ते उपस्थित होते