प्रभाग ३ चे नगरसेवक किशोर पानसरे यांच्या प्रयत्नातून विहारी ठाकुरवाडी येथील आदिवासी बांधवांसाठी शेकडो कोव्हिशिल्डचे लसीकरण. मुख्याधिकारी अनुप दुरे , नगराध्यक्षा सुमन औसरमल व प्रभाग ३ चे लोकनेते तथा कर्तव्यदक्ष नगरसेवक किशोर पानसरें यांचे आदिवासी बांधवांनी मानले आभार... .
खोपोली.- प्रतिनिधी--
(किशोर साळुंके ) कोरोनाच्या तिसर्या लाटेचा धोका टाळण्यासाठी तसेच आपल्या प्रभागातील विहारी ठाकुरवाडी येथील आदिवासी बांधवांच्या आरोग्यास धोका निर्माण होवू नये या प्रामाणिक उद्देशाने प्रभाग क्रमांक ३ मधील विकासपुरुष ,लोकनेते तथा सामाजिक कार्यात सक्रिय असणारे खोपोली पालिकेचे विद्यमान नगरसेवक किशोर पानसरे यांच्या प्रयत्नातून खोपोली शहरातील विहारी ठाकुरवाडीतील शेकडो आदिवासी बांधवांसाठी कोव्हिशिल्ड या दूसर्या डोसचे लसीकरण करण्यात आले. काही महिन्यांपूर्वी पालिकेच्या माध्यमातून शहरातील काही गावांमधील नागरिकांना पहिल्या डोसचे लसीकरण सूरु करण्यात आले होते परंतू वरिल डोस घेण्याकरता आँनलाईन रजिस्ट्रेशन करण्यासाठी महागडा स्मार्टफोन त्यासाठी लागणारा महागडा मोबाईल डाटा यांसारखी खर्चिक बाब व रजिस्ट्रेशन करण्यासाठी किचकट असलेल्या प्रक्रियेमुळे आदीवासी बांधवांनी लसीकरणाकडे पाट फिरवली होती .सदर बाब नगरसेवक पानसरे यांच्या लक्षात आली असता पालिकेच्या वतीने यावेळी संपूर्ण शहरातील गावागावात लसीकरण मोहीम सूरु करण्यात आली असताना , विहारी ठाकुरवाडी येथील आदीवासी बांधवांसाठी सर्वप्रथम पहिल्या डोसचे लसीकरणास प्राधान्य द्यावे यासाठी पानसरे यांनी पालिका प्रशासनाकडे विनती करत ,वाडीतील आदिवासी बांधवांसाठी पहिला डोस देण्याची मागणी करत लसीकरण मोहीम राबवण्यात आली होती.यावेळी विहारी ठाकुरवाडीतील नागरिकांसाठी पहिल्या डोसचे लसीकरण विहारी ठाकूरवाडीतच उपलब्ध करुन देण्यात आले होते , पहिल्या डोस प्रमाणेच दूसरा डोस सुद्धा आपल्या वाडीतीमधे उपलब्ध व्हावा यासाठी गावातील नागरीकांनी पानसरे यांना साकडे घातले, येथील नागरिकांना कोरोना या जिवघेण्या महाभयंकर रोगाची लागण होवू नये , दोन डोस घेणे बंधनकारक असल्याने येथील नागरिकांना नोकरी व प्रवासासाठी अडचणी येवू नये तसेच लसीकरण केंद्रावर होणार्या लांबचलांब रांगांमुळे आदिवासी बांधवांना नाहक त्रास होवू नये या प्रामाणिक उद्देशाने नगरसेवक किशोर पानसरे यांनी खोपोली पालिकेचे मुख्याधिकारी अनुप दुरे , नगराध्यक्षा सुमन औसरमल यांची भेट घेत प्रभाग क्र.३ मधील विहारी ठाकुरवाडीतील नागरिकांसाठी वाडीत लसीकरण मोहीम राबविण्याची विनंती करुन पानसरे यांच्याच माध्यमातून उभारलेल्या बहुमजली क्रांतिवीर बिरसा मुंडा सभागृहात शेकडो आदिवासी बांधवांसाठी कोव्हिशिल्डच्या दूसर्या डोसचे लसीकरण करण्यात आले.आपल्या गावातील आदिवासी बांधवांच्या आरोग्याची काळजी करणारे तसेच आदिवासी बांधवांना लसीकरण करण्यासाठी येणार्या अडचणी लक्षात घेवून किशोर पानसरे यांनी आपल्या गावामधेच दूसर्या डोसचे लसीकरण उपलब्ध करुन दिल्याबद्दल येथील नागरिकांनी खोपोली पालिकेचे मुख्याधिकारी अनुप दुरे ,नगराध्यक्षा सुमन औसरमल व या प्रभागाचे लोकनेते तथा कर्तव्यदक्ष नगरसेवक किशोर पानसरे यांचे आभार मानले. संपूर्ण ठाकूरवाडीतच बंधू व भगिनिंना कोरोनाचा धोका निर्माण होवू नये याच उद्धेशने आपण लसीकरण करत आहोत अशी प्रतिक्रिया किशोर पानसरे यांनी आमच्या प्रतिनिधीशी बोलताना दिली. दूसरा डोस महिला व पुरुष यांचे लसीकरण करण्यात आले.यावेळी गावातील सामाजिक कार्यकर्ते तथा युवानेते नारायण निर्गुडे, नानू निर्गुडे मंगल उगडे,संतोष मेंगाल व गावातील नागरिकांनी वरिल लसीकरण मोहीम राबविण्यासाठी मोलाचे सहकार्य केले.
Comments
Post a Comment