खोपोली प्रतिनिधी :=( किशोर साळुंके )
कधीकाळी शिक्षण घेण्याच्या निमित्ताने एकत्र आलेल्या विद्यार्थ्यांनी 37 वर्षानंतर स्नेहसंमेलनात सहभाग घेतला. विद्यार्थीदशेत निर्माण झालेली भावनात्मक बांधिलकी जपत आपल्या तत्कालीन शिक्षक, शिक्षका आणि मित्रांसमवेत एकत्र येऊन मान्यवरांच्या उपस्थितीत छत्रपती शिवाजी विद्यालय वावोशी मध्ये 1984 या वर्षी पास आउट झालेल्या दहावीच्या सर्व विद्यार्थ्यांनी एकत्र आपला स्नेह द्विगुणित केला.
2 जानेवारी 2022 रोजी वावोशी जवळच्या आपटी गावातल्या राजेंद्र पाटील यांच्या फार्महाऊसवर या स्नेहसंमेलनाचे आयोजन केले होते. यानिमित्ताने खालापूर तालुक्याचे तहसीलदार आयुब तांबोळी आणि खालापूर पोलीस स्टेशनचे निरीक्षक अनिल विभुते यांनी या कार्यक्रमासाठी शुभेच्छा दिल्या. सहाय्यक पोलीस निरीक्षक गणेश कराड अपघातग्रस्तांच्या मदतीसाठी सामाजिक संस्थेचे गुरुनाथ साठेलकर, निवृत्त शिक्षक एस के पाटील आणि एम डी पाटील आणि निवृत्त शिक्षिका श्रीमती प्रमिला पवार आणि श्रीमती रंजना पाटील इत्यादी मान्यवर निमित्ताने व्यासपीठावर उपस्थित होते.
आजवर आपण पोलीस दलात कामगिरी बजावत असताना क्राईम डिटेक्शनमध्ये फक्त गुन्हेगारांशी संवाद साधत आलो, मात्र या कार्यक्रमाच्या निमित्ताने सज्जन लोकांच्या समवेत हितगुज करण्याची संधी मिळाल्याने एका वेगळ्या आनंदाचा लाभ घेण्याचा योग आल्याचे प्रतिपादन करत असताना, आपणही अश्याच स्वरूपात आपल्या सहकारी विद्यार्थ्यांना एकत्र आणून स्नेहसंमेलन साजरे करू असे अभिवचन सहायक पोलीस निरीक्षक गणेश कराड यांनी दिले.
सामाजिक कार्य करत असताना आपल्या सोबत समाजातील दक्ष नागरिक म्हणून भूमिका बजावणाऱ्यांची आपल्याला नेहमीच मोलाची साथ मिळाल्याचे सांगत, आमच्या कामाची दखल घेऊन अपघातग्रस्तांना मदत करणाऱ्या अभियानातील सदस्यांना स्वखर्चाने ड्रेस कोड अर्थात युनिफॉर्म देणाऱ्या स्नेहसंमेलन आयोजकांचे आभार मानले. निवृत्त शिक्षिका आणि शिक्षकांनी गत स्मृतींना उजाळा देत विद्यार्थ्यांशी गप्पांच्या स्वरूपात संवाद साधला.
या कार्यक्रमात सामाजिक कार्यकर्ते किशोर ओसवाल, राजेंद्र पाटील, उद्योजक अजित भोसले, ज्येष्ठ शिक्षक संजय नेमाने या माजी विद्यार्थी आणि हात मदत करणाऱ्या देवदूतांचा सन्मान करण्यात आला. धोंडीबा हिरवे या आदिवासी समाजातल्या माजी विद्यार्थ्याने बालवयातील कवितांचे भावपूर्ण सादरीकरण केले. राजेंद्र पाटील, किशोर ओसवाल, संजय नेमाणे, प्रकाश घारे इत्यादीनी देखील यावेळी आपली मनोगते व्यक्त केली.
महाराष्ट्राच्या कानाकोपऱ्यातून स्नेहसंमेलनाच्या निमित्ताने एकत्र आलेल्या विद्यार्थ्यांनी धकाधकीच्या जीवनातील ताण तणाव बाजूला सारून अखंड दिवसभर वेगवेगळ्या कार्यक्रमातून आपला आनंद व्यक्त केला.
खोपोलीमध्ये डाँ.आंबेडकर संस्कार केंद्राच्या जागेत अतिक्रमण .. आर.पी.आय .पक्षाकडून कारवाई करण्याची मागणी .. त्वरित कारवाई न झाल्यास तिव्र आंदोलनाचा दिला इशारा .
. खोपोली -(किशोर साळुंके ) खोपोली शहरातील यशवंतनगर येथे भारतरत्न डाँ.बाबासाहेब आंबेडकर संस्कार केंद्राच्या जागे समोर एका कुटुंबाने जाणिवपूर्वक अनाधिकृतपणे बांधकाम करण्याचा घाट घातल्याने सदर बांधकाम करणार्यांवर कारवाई करण्याची मागणी रिपब्लीकन पार्टी आँफ इंडिया पक्षाच्या वतीने खोपोली पोलीस ठाण्यात दि.११ /०३/ २०२२ रोजी करण्यात आली आहे.खोपोली नगरपरिषद हद्दितील यशवंतनगर शिळफाटा येथे राजगीरी बुद्ध विहाराची इमारत होती त्या जागेत खोपोली नगरपरिषदेच्या वतीने भारतरत्न डाँ.बाबासाहेब आंबेडकर संस्कार केंद्रासाठी जिल्हा नियोजन आधिकारी अलिबाग यांच्याकडून निधी व तांत्रिक मंजूरी मिळवून रीतसर काम सुरु झाले आहे.साधारण पन्नास लक्ष रुपये रुपये किमतीचे हे बांधकाम असून खोपोली नगरपरिषदेकडून काम सुरु आहे.परंतू सदर ठिकाणी राहणारे गोसावी परिवाराकडून सदर जागेत अनधिकृत बांधकाम करण्याच्या उद्धेशाने त्यांनी सदर जागेसमोरील स्वताच्या घराची भिंत तोडून तेथे दरवाजा काढून बेकायदेशीपणे वाढीव बांधकाम करण्याचा प्रयत्न त्यांनी जाणीवपूर्वक संस्कार केंद्रा लगतच्या जागेसमोरील वहिवाटीचा रस्ता नसतानाही स्वताच्या घराची भिंत त
Comments
Post a Comment