वेध सह्याद्रीतर्फे जिजाऊ जयंती उत्साहात साजरी रक्तदान शिबिरात ५० हुन अधिक रक्तदात्यांनी नोंदवला सहभाग
खोपोली : स्वराज्याच्या दोन्ही छत्रपतींना घडवणाऱ्या राजमाता जिजाऊ माँसाहेब यांची जयंती १२ जानेवारी रोजी वेध सह्याद्री मार्फत खोपोली सह संपूर्ण खालापूर तालुक्यात उत्साहात साजरी करण्यात आली.खोपोली येथील प्रथम सत्रात छत्रपती शिवाजी महाराज स्मारक शिळफाटा येथे पूजन व आरती करून कार्यक्रमाची सुरुवात करण्यात आली यावेळी शहरातील सामाजिक कार्यकर्ते राजेंद्र फक्के व वाहतूक पोलीस कर्मचारी उपस्थित होते.
दुसऱ्या सत्रात वेध सह्याद्री मार्फत समर्पण ब्लड बँक यांच्या सहकार्याने रक्तदान शिबिराचे आयोजन करण्यात आले होते या रक्तदान शिबिरात ५० हुन अधिक रक्तदात्यांनी सहभाग नोंदवला. या शिबिराचे उदघाटन खोपोलीचे पोलीस निरीक्षक शिरीष पवार यांच्या हस्ते पार पडले शिबिरात महिलांची विशेष उपस्थिती पहायला मिळाली.
या सर्व कार्यक्रमास खोपोली चे माजी नगराध्यक्ष दत्ताजीराव मसुरकर, शिवसेना खोपोली शहर प्रमुख तथा मा.नगरससेवक सुनील पाटील, मा.नगरसेवक मोहन औसरमल, मनीष यादव, मनसेचे खोपोली शहर अध्यक्ष अनिल मिंडे, भाजपाचे हेमंत नांदे, अजय इंगुलकर, युवक राष्ट्रवादीचे अतुल पाटील यांच्यासह विविध क्षेत्रातील मान्यवर व सामाजिक कार्यकर्ते यांनी उपस्थिती दाखवत उपक्रमाचे कौतुक केले.
मोहिमेचे मोहीम प्रमुख म्हणून करण साळवी व वेध सह्याद्रीच्या सर्व सदस्यांनी यांनी उत्तम रित्या नियोजन करत कार्यक्रम यशस्वी केला.
छत्रपती शिवाजी महाराज व छत्रपती संभाजी महाराज यांची जयंती ज्या प्रमाणे उत्साहात साजरी होते त्याच प्रमाणे या दोनही छत्रपतींना घडवणाऱ्या राजमाता जिजाऊ माँसाहेब यांची जयंती सुद्धा सर्व ठिकाणी उत्साहात साजरी व्हावि या उद्देशाने या वर्षी पासून वेध सह्याद्री मार्फत विविध विभागांमध्ये राजमाता जिजाऊ जयंतीचे आयोजन करण्यात आले होते यामद्ये खरपाडा, चौक, कर्जत, सवरोली, आत्करगाव, पंचक्रोशी, ढेकू, कलोते, शिरवली, चिंचवली गोहे, धामणी,सावरोली,भातान, आस्रोटी, तुपगाव, वावरले, या विभागांत जिजाऊ जयंती मोठ्या उत्साहात साजरी करण्यात आली.
Comments
Post a Comment