खोपोली - नगर परिषदेतील अनागोंदी कारभाराविरोधात किशोर साळुंके यांचा उपोषणाचा इशारा ... * अनाधिकृत बांधकाम / वाढीव बांधकाम व भाडेकरु घरपट्टीबाबत अधिकार्यांचे जाणीवपूर्वक दुर्लक्ष ..
-खोपोली प्रतिनिधी - खोपोली नगरपरिषद हद्दीत मोठ्या प्रमाणात अनाधिकृत बांधकामे, भाडेतत्वावरिल गाळे,माँल, बिल्डरांनी भाडेतत्वावरिल देलेल्या इमारती,ए.टी.एम,बँका,दवाखाने ,पतपेढ्या, ढाबे, शोरुमची दूकाने ,गोडाउन आदींना वाढीव घरपट्टी तसेच बंगले, इमारती , दूकानांच्या गाळ्यांवर करण्यात आलेले अनाधिकृत बांधकामे , अनाधिकृत बांधकामांना शास्ती लावणे व शहरात सूरु असलेल्या अनेक इमारती या शासनाचे नियम धाब्यावर बसवत असून ग्राहकांची दिशाभूल करणार्या बेकायदेशीर बांधकामांबाबत नगरपरिषदेत वारंवार तक्रार अर्ज करुनही खोपोली नगरपरिषद कार्यालयातील अधिकारी जाणीवपूर्वक लक्ष देत नसल्याने त्यांच्या विरोधात कारवाई व्हावी यासाठी पत्रकार , आर,टी. आय कार्यकर्ते तथा बहुजन युथ पँथरचे खोपोली शहर अध्यक्ष किशोर साळुंके यांनी २६ जानेवारी रोजी नगरपरिषदेच्या गेटसमोर उपोषणाचा इशारा दिला आहे. खोपोली नगरपरिषद हद्दीतील लक्ष्मीनगर ,बाजारपेठ , आदोशी , शास्त्रीनगर , शिळफाटा , मोगलवाडी अशा विविध भागात मोठ्या प्रमाणात अनधिकृतव बांधकामे करण्यात आली आहे.वरिल ठिकाणी नगरपरिषदेचे परवाणगी न घेताच मोठ्या प्रमाणात वाढीव बांधकामे केली आहेत.काही ठिकाणी तर सरकारी जागेतही बांधकामे केल्याचे पहावयास मिळते.तसेच शहरातील बाजारपेठ, शिळफाटा फाटा येथील बाजारपेठेत , शास्त्रीनगर व अन्य ठिकाणी व्यापार्यांनी लोडबेरींग व आपल्या दुकानाच्या वरती बेकायदेशीर गाळे बांधून भाडेकरु तत्त्वावर अनेकांनी आपली मालमत्ता दिली आहे..परंतू त्यांना भाडेकरु तत्त्वावरिल वाढीव घरपट्टी लावण्यात आली नाही.काही बिल्डरांनी शहरातील अनेक भागात आपल्या इमारतींमधे पार्कीगच्या जागेत गाळे अथवा फ्लँट तयार करुन खोपोली नगरपरिषदेची फसवणूक केली आहे. बांधकाम नियमानुसार , मंजूर नकाशा नुसार बांधकाम न करता बेकायदेशीर बांधकामे करत असल्यामुळे अशा इमारतींमधे घर घेणार्यांची फसवणूक होवू नये यासाठी व या सर्व गंभीर प्रकरणांबाबत माहीती अधिकारी कार्यकर्ते तथा युथ पँथर चे खोपोली शहर अध्यक्ष किशोर साळुंके खोपोली नगरपरिषदेतील संबंधित खात्यातील अधिकार्यांकडे वारंवार लेखी पत्रव्यवहार करुन सदर बाब निदर्शनास आणून दिली आहे.यातून खोपोली नगरपरिषदेचा आर्थिक फायदा होवून वार्षीक उत्पन्न वाढणार आहे.परंतू संबंधित अधिकार्यांनी या सर्व पत्रांना केराची टोपली टोपली दाखवत कारवाई केली नसल्याचे पहावयास मिळते.संबंधित अधिकार्याचे आर्थिक हितसंबंध असल्यानेच कारवाई करत नसल्याची शंका किशोर साळुंके यांनी व्येक्त केली आहे. त्यामुळे या सर्व समस्या नगरपरिषदेने त्वरित सोडवून कामात कसूर करत पालिकेचा महसुल बुडविणार्या व बिल्डरांना पाठीशी घालणार्या संबंधित अधिकार्यांवर कारवाई करुन त्यांना निलंबन करणे बाबत बहुजन युथ पँथरचे खोपोली शहर अध्यक्ष किशोर साळुंके यांनी २६ जानेवारी रोजी खोपोली नगरपरिषद कार्यालयासमोर सकाळी ११ वाजता उपोषण करणे बाबतचे लेखी निवेदन खोपोली नगरपरिषदेचे कार्यालयीन अधिक्षक गणेश साळवे यांना दिले असून सदर उपोषणास खोपोली शहरातील विविध संघटनांनी जाहीर पाठींबा दिला असून सदर अधिकारी निलंबीत झालेच पाहीजेत सर्वजन ठाम आहेत ..
Comments
Post a Comment