अपघातग्रस्तांच्या मदतीसाठी सामाजिक संस्था

खोपोली प्रतिनिधी-- ( किशोर साळुंके ) जिल्हाधिकारी रायगड यांनी केले संस्थेच्या कार्याचे कौतुक आणि केले सहकार्य. गेली अनेक वर्षे आपत्कालीन परिस्थितीत आणि अनेक जोखमीच्या प्रसंगात अपघातग्रस्तांच्या मदतीसाठी सामाजिक संस्थेकडून दिल्या गेलेल्या योगदानाची दखल मा. रायगड जिल्हाधिकारी आणि रायगड जिल्हा आपत्ती व्यवस्थापन कार्यालयाकडून घेतली गेलेली आहे. त्या पार्श्वभूमीवर अशा घटनांमध्ये योगदान देताना आवश्यक असलेली उपकरणे आणि आंतरराष्ट्रीय स्तरावर वापरण्यात येणारी उपकरणे आणि साहित्य दिनांक 3 जाने, 2022 रोजी मा. महेंद्र कल्याणकर - जिल्हाधिकारी रायगड यांच्या हस्ते, मा. सागर पाठक - रायगड जिल्हा आपत्ती व्यवस्थापन प्रमुख, मा. पद्मश्री बैनाडे - निवासी उपजिल्हाधिकारी आणि पोलिस प्रशासनाचे अधिकारी राजन जगताप यांच्या उपस्थितीत आमच्या संस्थेला उपलब्ध करून दिले आहे, त्यामधे दहा आसनी रबरी बोट, बोटीसाठीचे इंजिन, लाईफ जॅकेट्स, स्ट्रेचरस् ई. साहित्याचा समावेश आहे. संस्थेचा वतीने गुरुनाथ साठेलकर, विजय भोसले, महेश सानप, हनीफ कर्जीकर, भक्ती साठेलकर, हरेश सानप हे उपस्थित होते. येणाऱ्या काळात अशाच पद्धतीने रायगड जिल्हा आपत्ती व्यवस्थापनास सातत्याने मदत करण्याच्या हेतूने अजूनही काही साहित्य देण्याचे नियोजन केले असल्याची माहिती यावेळी देण्यात आली. आम्हाला अभिमान वाटतो की, रायगड जिल्हा आणि महाराष्ट्राच्या विविध भागात आपत्कालीन परिस्थितीत अत्यंत महत्वाची कामगिरी बजावणाऱ्या आमच्या संस्थेच्या कामगिरीचे कौतुक आणि त्यासाठी प्रोत्साहन देण्याचे काम या निमित्ताने झालेले असे संस्थेचे अध्यक्ष गुरुनाथ साठेलकर यांनी प्रतीपादन केले.