थंडी पासून बचावासाठी गरजूंपर्यंत ब्लॅंकेट वाटप* खोपोली - प्रतिनिधी - किशोर साळुंके खोपोलीत मनसे आणि शहर पोलिस यांचा स्तुत्य उपक्रम

खोपोली (२९ जानेवारी) : सर्वत्र गुलाबी थंडीचे उबदार जाळे पसरले आहे अशातच खोपोली शहरात रात्रीच्या वेळी व पहाटे पर्यंत कडाक्याच्या थंडीचा अनुभव सद्या खोपोलीकर घेताना पहायला मिळत आहेत. थंडी पासून बचावासाठी अनेकजण स्वेटर/ब्लॅंकेट यांचा वापर करत आहेत परंतु रस्त्यावर, फुटपाथवर व गरीब वस्तीत राहणाऱ्या नागरिकांना मात्र थंडीची हुडहुड सहन करावी लागत आहे.याची जाणीव ठेवत व सामाजिक बांधिलकी जपत खोपोलीत महाराष्ट्र नवनिर्माण सेना व शहर पोलीस ठाणे यांच्या संयुक्तविद्यमाने गरजूंना ब्लॅंकेट वाटपाचा उपक्रम घेण्यात आला होता. उपक्रमांतर्गत शहरातील विविध भागांतील गरजूंपर्यंत पोहचून ब्लॅंकेट चे वाटप करण्यात आले. या उपक्रमात खोपोली पोलीस ठाण्याचे अधिकारी कालसेकर, अजिंक्य पाटील, सागर शेवते, मनसेचे खोपोली शहर अध्यक्ष अनिल मिंडे, मनसे टेलिकॉम सेनेचे सरचिटणीस मितेश शहा, रस्ते अस्थापणाचे रायगड जिल्हा संघटक संजय तन्ना यांच्या सह सहकारी सहभागी झाले होते.