खोपोली सुभाष नगर ग्रामस्थांच्या पथ दिप (स्ट्रीट लाईट) च्या मागणीला यश नवीन विद्युत पोल उभारणी कामाला सुरुवात - नागरिकांमध्ये समाधान
खोपोली :(प्रतिनिधी ):
खोपोली शहरातील सुभाष नगर या भागात मोठ्या प्रमाणत लोकवस्ती असुन या ठिकाणी नागरी सुविधा व्हाव्यात यासाठी येथील प्रमुख ग्रामस्थ राहुल जाधव यांनी नगरपालिकेकडे पाठपुरावा केला होता, त्यामध्ये निवेदन देऊन मागणी केलेल्या सुविधेमध्ये यापूर्वी रस्त्याची समस्या काही प्रमाणात सुटली असून नुकताच या भागातून प्रवास करताना उजेड नसल्याने अडचणी निर्माण होत असल्याने पालिकेच्या माध्यमातून या भागात रस्त्याच्या बाजूला स्ट्रीट लाईट खांब बसविण्याचे काम सुरू झाल्याने येथील नागरिकांनी समाधान व्यक्त केले आहे.
सुभाष नगर भाग हा मोठ्या लोकवस्तीचा असून या भागात 50 वर्षांपासून वस्ती आहे. या भागात मोठमोठे कारखाने असल्याने पालिकेला नागरी सुविधा देताना अडचणी भासत होत्या. मात्र येथील प्रमुख ग्रामस्थ राहुल जाधव व येथील गावकऱ्यांनी खोपोली नगरपालिकेकडे कडे नागरी सुविधाचा अभाव असल्याचे निवेदन दिले होते. त्यामध्ये रस्ता लाईट सह अन्य मागण्या केल्या होत्या, त्यानुसार रस्त्या बनविताना काही तांत्रिक अडचणी सोडवून रस्त्याचे काही प्रमाणात काम झाले असून रस्त्याच्या बाजूने लाईट नसल्याने रात्रीच्या दरम्यान विशेषता महिला वर्गाला येथून प्रवास करताना मोठ्या समस्येला सामोरे जावे लागत होते. ग्रामस्थांचा पाठपुराव्याने स्ट्रीट लाईट बसविण्याचे काम सुरू झाल्याने येथील नागरिकांनी समाधान व्यक्त केले आहे. या कामासाठी नगरपालिका व महिंद्रा कंपनीचे राहुल जाधव यांनी आभार मानले आहे.
सुभाष नगर भागात मोठ्या प्रमाणात लोकवस्ती आहे, या ठिकाणी अनेक वर्षांपासून नागरी सुविधा व्हाव्यात म्हणून नागरिकांना बरोबर घेऊन नगरपालिकेला प्रमुख मागण्यांचे निवेदन देऊन अडीच वर्षे पाठपुरावा करीत होतो. त्यामुळे पालिकेच्या माध्यमातून येथील सुविधा देण्याचे काम काही प्रमाणात प्रगतीपथावर आहे, त्यामुळे भविष्यात येथील नागरिकांना व महिलांना अडचणीतून मुक्ती मिळेल.
राहुल जाधव
(प्रमुख ग्रामस्थ सुभाषनगर खोपोली)
Comments
Post a Comment