खोपोली :- स्वर्गीय सखाराम गेणू जाधव मार्ग नामकरण करण्यासाठी माजी नगराध्यक्ष, उपनगराध्यक्ष, नगरसेवक यांनी घेतील मुख्याधिकारी यांची भेट. सुभाष नगर ग्रामस्थांच्या नामकरण मागणीचे केले समर्थन
खोपोली (खोपोली प्रतिनिधी):- सुभाष नगर ग्रामस्थांनी ५० वर्ष जुना रेल्वेगेट/मस्को गेट ते सुभाष नगर रस्त्याचे खोपोली नगरपरिषदेचे माजी उपनगराध्यक्ष स्वर्गीय सरखाराम गेणु जाधव मार्ग व घरा समोरील चौकास जाधव मामा चौक नामकरण करून हा परिसर सुशोभीकरण करण्याची आग्रही मागणी ग्रामस्थांनी २७ डिसेंबर २०१९ रोजी केली होती.
ग्रामस्थांच्या या नामकरण मागणीला खोपोली नागरपरिषदेचे
*माजी नगराध्यक्ष रामदास शेंडे*,
*सुमित्रा ताई कोळंबे*,
*जयश्री साळुंखे*,
*माजी उपनगराध्यक्ष श्रीकांत पुरी,*
*तुकाराम जाधव,*
*पुष्पा ताई साबळे,*
*माजी नगरसेवक तुकाराम शेठ साबळे,*
*सूर्यकांत देशमुख,*
*काशिनाथ पाटील,*
*लक्ष्मण साळुंखे,*
*कान्हू कोळंबे,*
*शंकरराव सावंत,*
*प्रकाश महाडीक,*
*अंकुश पवाळी,*
*दत्ता वाघमारे,*
*जयेंद्र शेंडे,*
*रामदास रासम,*
*संजय घरडे* या सर्वांनी समर्थन देत मुख्याधिकारी अनुप दुरे यांना तसे निवेदन आज १० जानेवारी २०२२ रोजी दिले आहॆ.
स्वर्गीय सखाराम गेणू जाधव हे अनेक वर्ष आमच्या सर्वाबरोबर खोपोली नगर परिषदे मध्ये लोक प्रतिनिधी म्हूणन काम करणारे आमचे सहकारी. महिंद्र कंपनी मध्ये सर्विस करणारे व युनियन मध्ये कामगारांचे प्रतिनिधित्व करणारे कामगार नेते. खोपोली शहराच्या विकासासाठी व त्यांचा प्रभागातील लोक हिताचे व कामगारांचे प्रश्न मांडणारे एक अभ्यासू लोक प्रतिनिधी.
खोपोली नगरपरिषदेचे माजी उपनगराध्यक्ष स्वर्गीय सखाराम गेणु जाधव सलग तीन वेळा निवडून येत हॅट्रिक केली. नगरपरिषदेचे बांधकाम सभापती, आरोग्य सभापती. शिक्षण सभापती, नियोजन सभापती, परिवहन सभापती, मागासवर्गीय कल्याण समितीचे सभापती अनेक वर्षे स्थाही समितीचे सदस्य अशी पदे भूषवली होती.
१ नोव्हेंबर २०१९ रोजी त्यांचे निधन झाले. खोपोली शहरातील प्रतिष्ठीत व्यक्तिमत्व, सामाजिक कार्यकर्ते, १५ वर्ष नगरसेवक व ज्येष्ठ नेते असलेल्या आमच्या या सहकारी मित्राचा सन्मान म्हणून या रस्त्याचे व घरा समोरील चौकाचे नामकरण करून परिसराचे सुशोभीकरण लवकरात लवकर करण्यात यावे अशी मागणी व विनंती या सर्वांनी मुख्याधिकारी यांचा कडे केली.
या वेळी स्वर्गीय सखाराम जाधव यांचे चिरंजीव व सुभाष नगरचे प्रमुख ग्रामस्थ राहुल सखाराम जाधव सामाजिक कार्यकर्ते गोपाळ बावस्कर, विजय तेंडुलकर, विकास खुरपुढे, पत्रकार शेखर परब, आदी मान्यवर उपस्तीत होते.
Comments
Post a Comment