खोपोली नगरपरिषदेच्या भोंगळ कारभारा विरोधात खोपोली शहरातीत मुकुंदनगर रहिवासीयांची उपोषण

खोपोली - ( किशोर साळुंके ) खोपोली नगरपरिषद हद्दितील मुकुंदनगर येथील रहिवासीयांची वहिवाट एका खाजगी व्येक्तिने रोखल्याने येथील खोपोली नगरपरिषदेने त्या विरोधात कारवाई न केल्याने येथील नागरिक उद्या दि.०२ मार्च २०२२ रोजी उपोषण करणार आहेत .खोपोली नगरपरिषद हद्दितील मुकुंदनगर येथील जय गणेश सोसायटी व ओम दर्शन सोसायटीकडे जाणार्या रस्त्यात तेथील एका नागरिकाने अडथळा आणला आहे.खोपोली नगरपरिषदेने या परिसरात जाण्यास रस्ता करुन द्यावा ही अनेक वर्षांंची मागणी आहे.जिल्हाधिकारी कार्यालय तसेच तहसिल कार्यालयाकडून सदर रस्ता खोपोली नगरपरिषदेने त्वरीत येथील नागरिकांसाठी तयार करुन सदर जागा मालकास त्याचा मोबदला शासकीय किंमतीनूसार अदा करण्याचे आदेश दिले असतानाही खोपोली नगरपरिषदेने दुर्लक्ष केल्याने सदर सदर व्यक्तीने हा रस्ता बंद केल्याने येथील नागरिकांची हेळसांड होणार आहे.दुचाकी , चार चाकी , रुणवाहिका , रिक्षा या रोडवरुन जावू शकत नाही.यामुळे येथील रहिवासीयांची प्रचंड हाल होत आहेत.तेव्हा समस्या सोडविण्याबाबत खोपोली नगरपरिषदेच्या भोंगळ कारभाराबाबत येथील नागरिक उद्या दि.०२ मार्च २०२२ रोजी खोपोली नगरपरिषदेच्या कार्यालयासमोर अमरण उपोषण करित असल्याचे त्यांनी महाराष्ट्र टाईम्स 25 न्युज ला सांगितले आहे